Səhiyyə

Rayonda 156 çarpayılıq  Göygöl rayon mərkəzi  xəstəxanası (bura 40 cərrahiyyə, 40 terapiya, 20 pediatriya, 30 doğum və ginekologiya, 10 yoluxucu xəstəliklər, 6 anesteziologiya-reanimasiya, hemodializ 10  çarpayıya malik şöbələr aiddir), böyüklər və uşaqlar  bölümü  olan poliklinika, 5 ailə  sağlamlıq  mərkəzi  (Mərkəzi ASM, Balçılı, Çaykənd Şəhriyar, Çaylı), 8  kənd həkim məntəqəsi (Hacıməlik, Aşıqlı, Üçtəpə, Topalhəsənli,, Yeni Zod,  Quşqara, Qızılca, Mollacəlilli kəndi), 23 kənd tibb məntəqəsi (Sarısu, Quşçu, Qarabulaq, Toğanalı, Göyçəkənd, Köşkü, Pənahlılar, Dozular, Gəncə, Zurnabad, Kərəmli, Bəhrəmbağ, Xəqani, Cümşüdlü, Qırıxlı, Sərkarlı, Haçaqaya, Əlimədətli, Nadil, Yeni Qızılca, Yalqışlaq, Danayeri, Tülallar kənd), 1 kardiorevmatoloji sanatoriya, 1 Gigiyena və Epidemiologiya mərkəzi əhaliyə tibbi xidmət göstərir.
Mərkəzi rayon xəstəxanası 2009-cu ildə fərdi layihə  ilə  yeni inşa edilmiş və müasir inventar və avadanlıqla təmin olunmuşdur.

Bu tibb müəssisələrində 615 nəfər o, cümlədən 71 nəfər həkim (2 nəfər tərəqqi medallı, 1 nəfər əməkdar həkim), 2 əczaçı-bakalavr ,1 nəfər əczacı, 1 nəfər tibb üzrə fəlsəfə doktoru, 1 əməkdar həkim 252 nəfər  orta  tibb  işçisi  çalışır.Bundan əlavə Tibb müəsissəsində 125 qeyri tibbi ,178 nəfər kiçik tibb işçisi çalışır.2020-ci ilin mart ayından əhaliyə tibbi xidmət sahəsində İcbari Tibbi Sığortaya keçmişdir. Hər 1000 nəfərə düşən həkimlərin sayı 1.0, hər 1000 nəfərə düşən orta tibb işçilərin sayı 4.0  Hər 1000 nəfərə doğum göstəricisi 9.0, hər 1000 nəfərə ölüm göstəricisi 7. Təbii artım 124  nəfərdir, hər 1000 nəfərə təbii artım göstəricisi 19-dur. Əhalinin hər 10000 nəfərinə stasionar çarpayı göstəricisi 24-dür.

Göygöl Rayon Mərkəzi Xəstəxanası PHŞ rayon ərazisində əhalinin   sağlamlığının  qorunması, sahəsində  dövlət siyasətinin həyata  keçirilməsi ilə  bağlı  bir sıra tədbirlər həyata keçirir. Göygöl rayonu üzrə imtiyazlı xəstələr  Azərbaycan  Respublikasının  Nazirlər  Kabinetinin  7  mart  2005 –ci  il  tarixli  37 və  38 N-li imtiyazlı qruplara “Tibbi defektoloji və psixoloji  yardımın  göstərilməsi  Qaydası  haqqında” və “Dərman preparatları ilə təmin olunması Qaydaları haqqında” qərarlarının  uyğun olaraq  müəyyən edilir və MRX-nın poliklinikasında dispanser uçotuna götürülürlər.

Göygöl rayon mərkəzi xəstəxanasının poliklinika şöbəsində dispanser  uçotuna götürülmüş xəstələrə MRX tərəfindən tam həcmdə tibbi yardım göstərilir, həmin şəxslərin hər birinə poliklinikada dispanser uçotuna götürülməsi haqqında (30  N-li Forma) kartlar açılır və mütəmadi olaraq həkim  nəzarəti  altında saxlanılır.