Vətən müharibəsi şəhidləri Əmiraslanov Elgün Sərvan oğlunun və İsmayılov Ruslan Eyvaz oğlunun ikinci ildönümləri məzarları başında qeyd edilib
02 dekabr 2022 | 16:57
02 dekabr 2022-ci il tarixdə Göygöl Rayon İcra Hakimiyyətinin başçısı Elvin Paşayev, YAP Göygöl rayon təşkilatının sədri Vüqar İsayev, Göygöl rayon hüquq-mühafizə orqanlarının rəhbərləri, İcra Hakimiyyətinin məsul şəxsləri, şəhidlərin ailə üzvləri, qazilər və ictimaiyyət nümayəndələri tərəfindən 44 günlük Vətən Müharibəsində torpaqlarımızın azadlığı və ərazi bütövlüyü uğrunda aparılan döyüşlərdə şəhidlik zirvəsinə ucalmış Əmiraslanov Elgün Sərvan oğlunun və İsmayılov Ruslan Eyvaz oğlunun ikinci ildönümündə Göygöl şəhəri Şəhidlər Xiyabanında məzarları ziyarət olunaraq üzərinə gül dəstələri düzülüb, ruhlarına dualar oxunub və əziz xatirələri ehtiramla anılıb.
Xatırladırıq ki, şəhid Əmiraslanov Elgün Sərvan oğlu 25 aprel 1995-ci ildə Göygöl şəhərində anadan olmuşdur. 2001-ci ildə Göygöl şəhər E.Vəliyev adına 5 nömrəli tam orta məktəbin 1-ci sinfinə qəbul edilmişdir. 2012-ci ildə həmin məktəbin 11-ci sinfini bitirmişdir.
2012-ci ilin aprel ayından 2013-cü ilin oktyabr ayınadək “N” saylı hərbi hissədə həqiqi hərbi xidmət keçmişdir. 2016-cı ildə “N” saylı hərbi hissədə müddətdən artıq xidmət edən hərbi qulluqçu kimi xidmətə başlamışdır.
27 sentyabr 2020-ci ildə 44 günlük Vətən müharibəsi başlayan zaman hərbi döyüşlərdə iştirak etmişdir. Elgün Əmiraslanov 27 sentyabr 2020-ci il tarixdə Kəlbəcər rayonu istiqamətində gedən döyüşlərdə şəhid olmuşdur. 2 dekabr 2020-ci il tarixdə Göygöl Şəhidlər Xiyabanında dəfn edilmişdir. Ölkə Prezidentinin müvafiq Sərəncamlarına əsasən ölümündən sonra “Vətən uğrunda”, “İgidliyə görə” və “Kəlbəcərin azad olunmasına görə” medalları ilə təltif edilib. Evli idi, 2 övladı var.
Şəhid İsmayılov Ruslan Eyvaz oğlu 1 aprel 1986-cı ildə Gürcüstan Respublikasının Marneuli rayonunun Təzəkənd kəndində anadan olmuşdur. 1992-ci ildə Göygöl rayon E.Xanlarov adına Çaykənd kənd ümumi orta məktəbin 1-ci sinfinə qəbul edilmişdir. 2001-ci ildə həmin məktəbin 9-cu sinfini bitirmişdir.
2004-cü ilin aprel ayından 2006-cı ilin aprel ayınadək “N” saylı hərbi hissədə həqiqi hərbi xidmət keçmişdir. 2016-cı ildə “N” saylı hərbi hissədə müddətdən artıq xidmət edən hərbi qulluqçu kimi xidmətə başlamışdır.
27 sentyabr 2020-ci ildə 44 günlük Vətən müharibəsi başlayan zaman hərbi döyüşlərdə iştirak etmişdir. Ruslan İsmayılov 27 sentyabr 2020-ci il tarixdə Kəlbəcər rayonu istiqamətində gedən döyüşlərdə şəhid olmuşdur. 2 dekabr 2020-ci il tarixdə Göygöl Şəhidlər Xiyabanında dəfn edilmişdir. Ölkə Prezidentinin müvafiq Sərəncamlarına əsasən ölümündən sonra “Vətən uğrunda”, “Cəsur döyüşçü” və “Kəlbəcərin azad olunmasına görə” medalları ilə təltif edilib. Evli idi, 2 övladı var
Keçidlər
