Şəhid Əliyev Üzeyir Sabir oğlunun ildönümü məzarı başında qeyd edilib və ailəsi ziyarət olunub
14 sentyabr 2023 | 17:35
14 sentyabr 2023-cü il tarixdə Göygöl Rayon İcra Hakimiyyətinin başçısı Elvin Paşayev, YAP Göygöl rayon təşkilatının sədri Vüqar İsayev, Göygöl rayon hüquq-mühafizə orqanlarının rəhbərləri, İcra Hakimiyyətinin məsul şəxsləri, şəhidin ailə üzvləri, qazilər və ictimaiyyət nümayəndələri tərəfindən 2022-ci il 13 sentyabr tarixində Azərbaycan Respublikasının Ermənistan Respublikası ilə sərhədində gedən döyüşlərdə şəhid olmuş Əliyev Üzeyir Sabir oğlunun birinci ildönümündə Göygöl şəhər Şəhidlər xiyabanında məzarı ziyarət olunaraq üzərinə gül dəstələri düzülüb, ruhuna dualar oxunub və əziz xatirəsi ehtiramla anılıb. Sonra şəhidin ailəsi evində ziyarət edilib.
Xatırladırıq ki, şəhid Əliyev Üzeyir Sabir oğlu 24 fevral 1993-cü Göygöl şəhərində anadan olmuşdur. 1999-cu ildə Göygöl şəhər 3 nömrəli tam orta məktəbinin 1-ci sinfinə qəbul edilmişdir. 2007-ci ildə həmin məktəbin 9-cu sinfini bitirmişdir. 2007-ci ildə Göygöl Musiqi məktəbinə qəbul edilmiş və 5 il musiqi təhsili almışdır.
2011-cı ilin aprel ayından 2012-ci ilin oktyabr ayınadək “N” saylı hərbi hissədə həqiqi hərbi xidmət keçmişdir. 2020-ci ildə “N” saylı hərbi hissədə müddətdən artıq xidmət edən hərbi qulluqçu kimi xidmətə başlamışdır. 27 sentyabr 2020-ci ildə 44 günlük Vətən müharibəsi başlayan zaman hərbi döyüşlərdə iştirak etmişdir. 2022-ci il 13 sentyabr tarixdə Azərbaycan Respublikasının Ermənistan Respublikası ilə sərhədində gedən döyüşlərdə şəhid olmuş, 14 sentyabr 2022-ci il tarixdə Göygöl Şəhidlər Xiyabanında dəfn edilmişdir.
Ölkə Prezidentinin Sərəncamları ilə şəhid Əliyev Üzeyir Sabir oğlu (ölümündən sonra) 3-cü dərəcəli “Vətənə xidmətə görə” ordeni, “Vətən uğrunda” və “Kəlbəcərin azad olunmasına görə” medalları ilə təltif edilib.
Subay idi.
Keçidlər
