Şəhid Amin Həsənovun xatirəsi anılıb
31 oktyabr 2023 | 18:45
31 oktyabr 2023-cü il tarixdə 19-20 sentyabr 2023-cü il tarixdə erməni silahlı dəstələrinə qarşı aparılan antiterror tədbirləri zamanı şəhidlik zirvəsinə ucalan əsgər Həsənov Amin İlqar oğlunun qırx mərasimi keçirilib. Əvvəlcə tədbir iştirakçıları şəhidin Göygöl şəhər Şəhidlər Xiyabanında yerləşən məzarını ziyarət edərək önünə gül dəstələri düzüb, ruhuna dualar oxuyub. Sonra şəhidin ailəsi evində ziyarət edilib.
Tədbirdə Göygöl Rayon İcra Hakimiyyətinin başçısı Elvin Paşayev, hüquq mühafizə orqanlarının rəhbərləri, rayon icra hakimiyyətinin əməkdaşları, şəhidin ailə üzvləri, qazilər və ictimaiyyət nümayəndələri iştirak ediblər.
Xatırladaq ki, şəhid Həsənov Amin İlqar oğlu 23 oktyabr 2004-cü ildə Gəncə şəhərində anadan olmuşdur. 2010-cu ildə Göygöl şəhər 1 nömrəli tam orta məktəbin 1-ci sinfinə qəbul edilmiş, 2021-ci ildə həmin məktəbin 11-ci sinfini bitirmişdir.
2022-ci ilin oktyabr ayından “N” saylı hərbi hissədə həqiqi hərbi xidmət keçmişdir. 19-20 sentyabr 2023-cü ildə erməni silahlı dəstələrinə qarşı aparılan antiterror əməliyyatı zamanı döyüşlərdə iştirak etmişdir. Amin Həsənov 19 sentyabr 2023-cü il tarixdə Ağdam rayonu istiqamətində gedən döyüşlərdə şəhid olmuşdur. 22 sentyabr 2023-cü il tarixdə Göygöl Şəhidlər Xiyabanında dəfn edilmişdir. Subay idi.
Keçidlər
