Sabahın xeyir, #Göygöl!
Qasımova Nəzakət Abbas qızı 1 iyul 1971-ci ildə Göygöl şəhərində anadan olub. 1978-ci ildə Göygöl şəhər 4 nömrəli məktəbin 1-ci sinfinə qəbul olunmuş, 1986-cı ildə məktəbin 8-ci sinfini bitirərək Gəncə şəhərində Məhsəti Gəncəvi adına pedaqoji məktəbinə qəbul olub, 1990-cı ildə həmin məktəbi "İbtidai sinif müəllimi" ixtisası üzrə bitirib. 1991-ci ildən əmək fəaliyyətinə başlamışdır. Azərbaycan Respublikası Prezidentinin 4 oktyabr 2022-ci il Sərəncamı ilə “Tərəqqi” medalı ilə təltif edilmişdir. Nəzakət müəllimin şagirdləri hazırda Azərbaycan və xarici ölkələrin sayılıb seçilən universitetlərində təhsillərini davam etdirir və dövlət orqanlarında fəaliyyət göstərməklə vətənimizə xidmət edirlər. Peşəkar müəllimə iş fəaliyyətində uğurlar diləyib, həvəslə, böyük zəhmətlə əldə etdiyi nailiyyətlərinin davamını arzu edirik.
