Sabahın xeyir, #Göygöl!
07 oktyabr 2024 | 09:15
Şəhid Binnətov Ruslan Rafiq oğlu 22 avqust 2001-ci ildə Rusiya Federasiyasının Moskva şəhərində anadan olmuşdur. 2003-cü ildə ailəsi ilə birgə Göygöl rayonunun Haçaqaya kəndinə köçmüşdür. 2007-ci ildə E.Məmmədov adına Göygöl rayon Haçaqaya kənd ümumi orta məktəbin 1-ci sinfinə qəbul edilmişdir. 2016-cı ildə həmin məktəbin 9-cu sinfini bitirmişdir. Göygöl rayon R.Əsgərov adına Qırıqlı kənd tam orta məktəbində təhsilini davam etdirmişdir. 2018-ci ildə həmin məktəbin 11-ci sinfini bitirmişdir.
2019-cu ilin oktyabr ayından “N” saylı hərbi hissədə həqiqi hərbi xidmət keçmişdir.
Xidmətdə olduğu dövrdə 27 sentyabr 2020-ci ildə 44 günlük Vətən müharibəsi başlayan zaman hərbi döyüşlərdə iştirak etmişdir. Ruslan Binnətov 9 noyabr 2020-ci il tarixdə Xocavənd rayonu istiqamətində gedən döyüşlərdə şəhid olmuşdur. 10 noyabr 2020-ci il tarixdə Göygöl rayonunun Qırıqlı kənd qəbristanlığında dəfn edilmişdir. Ölkə Prezidentinin müvafiq Sərəncamlarına əsasən ölümündən sonra “Vətən uğrunda” və “Xocavəndin azad olunmasına” medalları ilə təltif edilib. Subay idi.
Keçidlər
