Rayonun Pənahlılar və Dozular kəndlərində keçirilmiş səyyar qəbul zamanı səsləndirilmiş rəy və təkliflər öz həllini tapıb
31 oktyabr 2023 | 16:41
Göygöl Rayon İcra Hakimiyyətinin başçısı Elvin Paşayev tərəfindən rayonun Pənahlılar və Dozular kənd sakinləri ilə keçirilmiş səyyar qəbul zamanı əhali tərəfindən səsləndirilmiş həlli mümkün olan rəy və təkliflər qısa müddət ərzində öz həllini tapıb. Belə ki, Rayon İcra Hakimiyyəti başçısının tapşırığına əsasən Pənahlılar kənd inzibati ərazi dairəsi üzrə nümayəndəliyi və kənd bələdiyyəsinin daxili imkanları hesabına Pənahlılar kəndi ərazisindən keçən Çaylı - Pənahlılar avtomobil yolunda sel sularının törətdiyi fəsadlar aradan qaldırılmış və avtomobillərin sərbəst hərəkəti təmin olunmuşdur.
Dozular kənd inzibati ərazi dairəsi üzrə nümayəndəliyi və kənd bələdiyyəsinin daxili imkanları hesabına isə Dozular kəndində istifadə olunan su kanalında təmir bərpa işləri görülərək, su borularında olan nasazlıqlar aradan qaldırılmış və kənd əhalisinin suya olan ehtiyacı qarşılanmışdır.
Keçidlər
