Məşqçi Cavid Əsgərov "İlin məşqçisi" adına layiq görülüb
29 dekabr 2023 | 19:40
Göygöl Aşihara Karate klubunun məşqçisi Cavid Əsgərov 2023-cü il ərzində beynəlxalq yarışlarda yüksək nəticələr göstərən idmançıların hazırlığında göstərdiyi səy və xidmətlərinə görə Azərbaycan Karate Federasiyaları Assosiasiyası tərəfindən "İlin məşqçisi" adına layiq görülüb. Bu münasibətlə Cavid müəllimi təbrik edir, xoş arzularımızı çatdırırıq.
Xatırladırıq ki, Cavid Əsgərov 1976-ci il tarixdə Göygöl şəhərində anadan olub. 1993-cü ildən Aşihara Karate idman növü üzrə məşğul olmuş. 1 dəfə Dünya Çempionatında 3-cü yerə, 1 dəfə isə Avrasiya çempionatında 2-ci yerə layiq görülmüşdür. 2000-ci il tarixdən Göygöl Aşihara Karate klubunda məşqçi rəhbər kimi çalışmış.10 nəfərdən artıq tələbəsi Dünya və Avropa çempionatlarında mükafatçı olmuşdur ki, onlardan 4 nəfəri Dünya Çempionudur. Onlardan Musazadə Musa 5 dəfə dünya çempionu olmuşdur. Tələbələri dəfələrlə Azərbaycan Çempionatlarında yüksək nailiyyətlər qazanmış və 6 dəfə Azərbaycan Çempionatının Kubokunun qalibi olmuşlar.
Keçidlər
