Məlumatlanın ki, insan alverinin qurbanına çevrilməyəsiniz!” mövzusunda maarifləndirmə tədbiri keçirilib
24 iyul 2024 | 15:36
Göygöl rayon İcra Hakimiyyətinin, Əmək və Əhalinin Sosial Müdafiəsi Nazirliyinin İnsan Alveri Qurbanlarına Yardım Mərkəzinin, Uşaq və Ailələrə Dəstək Mərkəzinin birgə təşkilatçılığı Göygöl rayon Uşaq və Ailələrə Dəstək Mərkəzində dəyirmi masa keçirildi. Tədbirdə Göygöl Rayon İcra Hakimiyyəti başçısının müavini Kəmalə İbrahimova, Hüquq şöbəsinin müdiri Təhminə Şəbəndəyeva, Göygöl rayon Uşaq və Ailələrə Dəstək Mərkəzinin direktoru Rəbiyyə Ablayeva, Əmək və Əhalinin Sosial Müdafiəsi Nazirliyinin İnsan Alveri Qurbanlarına Yardım Mərkəzinin nümayəndələri, polis əməkdaşları, müəllimlər, psixoloqlar və digər aidiyyəti nümayəndələr iştirak ediblər.
Tədbirdə mövzu ilə bağlı və eyni zamanda Əmək və Əhalinin Sosial Müdafiəsi Nazirliyinin İnsan Alveri Qurbanlarına Yardım Mərkəzinin funksiyaları barədə geniş və ətraflı məlumat verilərək bildirilib ki, Mərkəzdə insan alveri və potensial insan alveri qurbanları üçün fərdi sosial reabilitasiya planları tərtib edilir və həyata keçirilir, İnsan alveri qurbanlarının və potensial insan alveri qurbanlarının peşə hazırlığını və məşğulluğunu təmin etmək üçün müvafiq dəstək göstərilir və insan alveri qurbanlarına hüquqi, tibbi, psixoloji və digər sahələrdə yardım göstərilir. Tədbir diskussiya şəkilində keçirildi.
Tədbirdə “Məlumatlanın ki, insan alverinin qurbanına çevrilməyəsiniz!” mövzusunda tərtib olunmuş maarifləndirmə braşuralar paylanıldı.
Keçidlər
