İcra Hakimiyyətinin başçısı Elvin Paşayevin rayonun Göyçəkənd kəndində vətəndaşlarla səyyar qəbulu keçirilib
25 oktyabr 2022 | 18:50
Göygöl Rayon İcra Hakimiyyətinin başçısı Elvin Paşayevin 25 oktyabr 2022-ci il tarixində Göyçəkənd kəndində vətəndaşlarla səyyar görüşü təşkil olunub. Göyçəkənd kənd klubunda keçirilən səyyar görüşdə Rayon İcra Hakimiyyəti başçısı Aparatının məsul şəxsləri, inzibati ərazi dairəsi üzrə nümayəndə, bələdiyyə və xidmət sahələrinin rəhbərləri iştirak ediblər.
Rayon İcra Hakimiyyəti başçısı ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlər, Elektron Hökumət Portalı tərəfindən yaradılmış Rəqəmsal İcra Hakimiyyəti platforması barədə vətəndaşlara məlumat verərək, xidmətin əlçatanlıq və üstünlüklərini qeyd etdi və https://rih.gov.az/ portalından istifadə etməlkə, müraciət etmək, həmçinin təklif və rəylərin verilməsi imkanının olduğu barədə məlumat verdi.
Qəbul zamanı bir qrup kənd sakinini dinləyən Rayon icra hakimiyyətinin başçısı mövcud problemlərin həlli, o cümlədən kəndə gələn yolun asfaltlanması, elektrik dayaqlarının dəyişdirilməsi, kənddaxili su xəttinin yenilənməsi və digər məsələlərlə bağlı aidiyyəti xidmət sahələrinin rəhbərlərinə və məsul şəxslərə yerində müvafiq tapşırıq və tövsiyələrini bildirib.
Keçidlər
