İcra Hakimiyyətinin başçısı Elvin Paşayev 2022-2023–cü tədris ilinin məzunlarından ali məktəblərə yüksək balla qəbul olmuş tələbələrlə görüşüb
08 sentyabr 2023 | 19:38
Göygöl Rayon İcra Hakimiyyətinin başçısı Elvin Paşayev 2022-2023–cü tədris ilinin məzunlarından ali məktəblərə yüksək balla qəbul olmuş tələbələrlə görüş keçirib. Görüşdə həmçinin Yeni Azərbaycan Partiyası Göygöl rayon təşkilatının sədri Vüqar İsayev, Göygöl Rayon İcra Hakimiyyəti başçısının müavini, İctimai-siyasi və humanitar məsələlər şöbəsinin müdiri Kəmalə İbrahimova, Elm və Təhsil Nazirliyi Gəncə-Daşkəsən Regional Təhsil İdarəsinin Göygöl rayon üzrə sektor müdiri Elnur Qasımov, Təhsil İşçiləri Azad Həmkarlar İttifaqı Göygöl rayon Komitəsinin sədri Dilarə Mövlayeva iştirak ediblər.
Görüşdə çıxış edən Göygöl Rayon İcra Hakimiyyətinin başçısı tələbə adını qazanan məzunları təbrik edərək onlara milli-mənəvi dəyərlərə sadiq, vətənpərvər, savadlı gənclər olaraq ölkəmizin sosial-iqtisadi və mədəni həyatında aktiv iştirak etmələrini arzulayıb. Eyni zamanda bildirilib ki, Azərbaycan Respublikasının Prezidenti cənab İlham Əliyevin və birinci vitse-prezident Mehriban xanım Əliyevanın diqqət və qayğısı nəticəsində təhsilimiz uğurla inkişaf edir. Daha sonra çıxış edən digər görüş iştirakçıları da tələbələri təbrik edərək, onlara gələcək təhsillərində uğurlar arzulayıblar.
Tələbə adını qazanmış şəxslər onlara yaradılan şəraitə, göstərilən diqqət və qayğıya görə ölkə rəhbərinə və Rayon İcra Hakimiyyətinin başçısına minnətdarlıqlarını bildiriblər. Sonda tələbə gənclərə hədiyyələr təqdim edilib və xatirə şəkilləri çəkdirilib.
2022/2023–cü tədris ilində Göygöl rayonu üzrə ali məktəblərə yüksək balla qəbul olmuş tələbələr aşağıdakılardır:
1. Hüseynova Xədicə Səbuhi qızı –667.9 bal, Pənahlılar kənd tam orta məktəbin məzunu;
2. Bayramlı Aytac Elşən qızı–614 bal, Quşqara kənd tam orta məktəbin məzunu;
3. Mürsəlova Xanım Şakir qızı–613.7 bal, Şəhər 4 nömrəli tam orta məktəbin məzunu;
4. Qənbərova Səma Sadiq qızı–607 bal, Quşqara kənd tam orta məktəbin məzunu;
5. Heydərli Müslüm Müşfiq oğlu–598.7bal, Texniki Təbiət Fənlər Təmayüllü Liseyin məzunu;
6. Hacıyev Ülvi Nail oğlu–590 bal, Texniki Təbiət Fənlər Təmayüllü Liseyin məzunu;
7. Rüstəmli Dəyanət Cavanşir oğlu–590 bal, Qırıqlı kənd tam orta məktəbin məzunu;
8. Göyüşova Nərmin Əliəsgər qızı–577.5 bal, Pənahlılar kənd tam orta məktəbin məzunu;
9. Balakişiyeva Sima Nemət qızı–565 bal, Balçılı kənd 2 nömrəli tam orta məktəbin məzunu;
10. Həsənova Aysel Elmir qızı–557 bal, Hacıməlik ŞTQ 1 nömrəli tam orta məktəbin məzunu;
11. Verdizadə Mədinə Şöhrəddin qızı–550 bal, Şəhər 3 nömrəli tam orta məktəbin məzunu;
12. Əsgərov Elcan Vaqif oğlu–550 bal, Yeni Qızılca kənd tam orta məktəbin məzunu.
Keçidlər
