İcra başçısı Elvin Paşayev rayon gəncləri ilə görüşüb
20 oktyabr 2022 | 14:20
19 oktyabr 2022-ci il tarixdə Göygöl Rayon İcra Hakimiyyətinin başçısı Elvin Paşayev göygöllü gənclərlə görüşüb onlarla fikir mübadiləsi aparıb. Göygöl rayon Gənclər Mərkəzində keçirilən görüşdə Rayon Gənclər və İdman İdarəsinin, Gənclər Evi sosial xidmət mərkəzinin, Gənclərin İnkişaf və Karyera Mərkəzinin Göygöl rayon üzrə nümayəndəliyinin, YAP rayon təşkilatının, Göygöl Dövlət Aqrar İnkişaf Mərkəzinin nümayəndələri, gənc müəllimlər, həvəskar təlimçilər, fəal gənclər və könüllülər iştirak ediblər.
Səmimi atmosferdə keçirilən görüşdə gənclər tərəfindən irəli sürülmüş təkliflər geniş müzakirə olunub və tövsiyələr verilib. Eyni zamanda araşdırılması tələb olunan məsələlərin nəzarətə götürülərək həlli istiqamətində tədbirlər görüləcəyi diqqətə çatdırılıb.
Keçidlər
