Heydər Əliyevin 100 illiyinə həsr olunmuş növbəti ağacəkmə aksiyası keçirilib
05 may 2023 | 16:54
Göygöl Rayon İcra Hakimiyyəti və Göygöl rayon Polis şöbəsinin birgə təşkilatçılığı ilə Ulu Öndər Heydər Əliyevin 100 illiyinə həsr olunmuş növbəti ağacəkmə aksiyası keçirilib. Əvvəlcə Ümummilli Lider Heydər Əliyevin abidəsi ziyarət olunub, önünə gül dəstələri qoyulub, əziz xatirəsi dərin ehtiramla anılıb. Göygöl Rayon Polis şöbəsinin akt zalında keçirilən dəyirmi masada Ulu Öndər Heydər Əliyevin və şəhidlərin əziz xatirəsi bir dəqiqəlik sükutla yad edilib. Ümummilli Lider Heydər Əliyevin Azərbaycan tarixində əvəzolunmaz rolundan danışılıb, ictimai-siyasi həyatın bütün sahələrində böyük zirvələr fəth edən müstəqil Azərbaycanın qurucusu və banisi Heydər Əliyevin tarix və xalq qarşısında gördüyü işlərdən bəhs olunub.
Daha sonra Göygöl Rayon İcra hakimiyyətinin başçısı Elvin Paşayevin, Polis şöbəsinin rəisi Zaur Nəsirovun və rayonun digər hüquq mühafizə orqanlarının rəhbərlərinin iştirakı Göygöl rayon ərazisində ağacəkmə aksiyası keçirilib. Keçirilən ağacəkmə aksiyasında 200-dən çox çinar və şam ağacı əkilib və suvarılıb.
Keçidlər
