“Heydər Əliyev İli” çərçivəsində "Əbədi Məşəl" adlı rəsm müsabiqəsi keçirilib
04 may 2023 | 12:56
Göygöl Rayon İcra Hakimiyyəti, Göygöl Gənclər Evi SXM, Göygöl rayonu üzrə Təhsil sektorunun birgə təşkilatçılığı ilə Ulu Öndər Heydər Əliyevin 100 illiyinə həsr edilmiş "Əbədi Məşəl" adlı rəsm müsabiqəsi keçirilib. Əsərlərdə Ümummilli Lider Heydər Əliyevin Azərbaycan dövləti qarşısındakı misilsiz xidmətləri, Vətən uğrunda canını fəda edən şəhidlərin qəhrəmanlığı və Azərbaycanın inkişafı boyaların dili ilə tərənnüm edilib. Münsiflər tərəfindən qiymətləndirmə məqsədilə gənclərin təqdim etdiyi rəsmlərə baxış keçirilib və 2 kateqoriyada qaliblər müəyyən edilib. Sonda müsabiqə iştirakçıları Diplom və xatirə hədiyyələr ilə mükafatlandırılıb.
Sulu boya kateqoriyası üzrə: I yerə Göygöl rayonu Balçılı kənd 2 nömrəli tam orta məktəbin şagirdi Abbaslı Səkinə, II yerə Göygöl rayonu Çaykənd kənd tam orta məktəbin şagirdi Məmmədova Gülay, III yerə Göygöl rayonu Quşqara kənd tam orta məktəb Mirsəlimli Fərid layiq görülüb. Sadə qələm kateqoriyası üzrə: I yerə Texniki Təbiət Fənləri Təmayüllü Lisey Qocayev Nurlan, II yerə Göygöl şəhəri 2 nömrəli tam orta məktəbin şagirdi Musyeva İlahə, III yerə isə Göygöl şəhəri 5 nömrəli tam orta məktəbin şagirdi Əliyeva Səbinə layiq görülüb. Müsabiqədə iştirak edən hər bir kəsə təşəkkür edirik!
Keçidlər
