Göygöldə yeniyetmələr arasında Avropa Kuboku yarışı keçirilir
06 may 2023 | 17:38
Ümummilli Lider Heydər Əliyevin 100 illik yubileyinə həsr olunmuş Azərbaycanda ilk dəfə cüdo idman növü üzrə yeniyetmələr arasında Avropa Kuboku turnirinə Göygöl Olimpiya İdman Kompleksi ev sahibliyi edir. Avropa Cüdo Birliyinin (EJU) rəsmi təqvimində olan turnirdə 20 ölkədən 300-ə yaxın idmançı iştirak edir.
06-07 may 2023-cü il tarixlərdə keçirilən turnirin açılış mərasimində Göygöl Rayon İcra Hakimiyyəti Başçısının müavini, Sosial-iqtisadi İnkişafın təhlili və proqnozlaşdırılması şöbəsinin müdiri Arzu Qocayev, Cüdo Federasiyasının Baş katibi Rəşad Rəsullu, Gənclər və İdman Nazirliyinin nümayəndəsi Sərvan Nağıyev və digər qonaqlar iştirak ediblər. Qonaqlar və idmançılar əvvəlcə Ulu Öndərin abidəsini ziyarət edib, abidə önünə gül dəstələri qoyub, əziz xatirəsini dərin ehtiramla anıblar. Sonra tədbirin açılış mərasimi keçirilib və idmançıların yarışları izlənilib.
Ümummilli Lider Heydər Əliyevin 100 illik yubileyinə həsr olunmuş cüdo idman növü üzrə yeniyetmələr arasında Avropa Kuboku turniri 07 may 2023-cü il tarixdə davam edəcək.
Keçidlər
