Göygöldə prospekt, küçə və digər avtomobil yollarının işıqlandırılması layihəsi uğurla davam edir
Göygöl Rayon İcra Hakimiyyətinin başçısı tərəfindən vətəndaş məmnunluğunun təmin olunması istiqamətində atılan addımlardan biri də Göygölün prospekt, küçə və digər avtomobil yollarının işıqlandırılması ilə bağlı görülmüş işlərdir. Belə ki, vətəndaşların və avtomobillərin gecə saatlarında hərəkətinin təhlükəsizliyinin və rahatlığının təmin edilməsi məqsədi ilə Göygöl şəhərinin küçələrinə yeni müasir lampalar quraşdırılmışdır. Yeni quraşdırılan lampalar müasir standartlara cavab verməklə yanaşı, həm də elektrik enerjisindən qənaətlə istifadə edilməsinə səbəb olur. Eyni zamanda Göygöl Rayon İcra Hakimiyyətinin və Azərbaycan Avtomobil Yolları Dövlət Agentliyinin birgə təşkilatçılığı ilə Gəncə-Daşkəsən magistral avtomobil yolunun üzərində yerləşən yol qovşağının da gecə işıqlandırılması təmin edilib.
