Göygöl rayonu Zurnabad kəndi ərazisində “Təmiz Zurnabad” devizi altında təmizlik aksiyası təşkil olunub
24 oktyabr 2023 | 13:16
Göygöl Rayon İcra Hakimiyyətinin dəstəyi, Gənclərin İnkişaf Karyera Mərkəzinin Gəncə-Daşkəsən regional nümayəndəliyinin Göygöl bölməsi və Göygöl Gənclər Evinin birgə təşkilatçılığı ilə rayonun Zurnabad kəndi ərazisindən keçən Gəncəçay çayının sahilində “Təmiz Zurnabad” devizi altında təmizlik aksiyası keçirilib. Keçirilən təmizlik aksiyası çərçivəsində Gəncəçay çayının sahil zolağı və kəndin ərazisi plastik və digər tullantılardan təmizlənib.
Təmizlik aksiyasının məqsədi rayon ərazisində ətraf mühitin məişət və digər tullantılarla çirklənməsinin qarşısının alınması, əhalinin tullantıların düzgün idarə edilməsi ilə ətraf mühitin neqativ təsirlərdən qorunması isitqamətində maarifləndirilməsi, o cümlədən insanların ətraf mühit mühafizəsinə münasibətini dəyişməklə ekoloji vəziyyətin yaxşılaşdırılmasında rolunun artırılmasıdır.
Keçidlər
