Göygöl Rayon İcra Hakimiyyətinin başçısı Elvin Paşayev Yeni Zod kənd sakinləri ilə səyyar görüş keçirib
26 sentyabr 2023 | 10:31
Göygöl rayonu Yeni Zod kənd mədəniyyət evində keçirilən səyyar görüşdə Rayon İcra Hakimiyyəti başçısının müavinləri və Aparatının məsul şəxsləri, Yeni Azərbaycan Partiyası Göygöl rayon təşkilatının sədri Vüqar İsayev, inzibati ərazi dairəsi üzrə nümayəndə, bələdiyyə və xidmət sahələrinin rəhbərləri iştirak ediblər.
Rayon İcra Hakimiyyəti başçısı Elvin Paşayev keçirilən səyyar görüşlərin ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlərin tərkib hissəsi olduğunu qeyd edərək, dövlət və vətəndaş münasibətlərinin yüksələn xətlə inkişaf etdiyini, məhz bu uğurlu siyasətin ölkəmizin bütün istiqamətlər üzrə mühüm nailiyyətlər əldə etməsinə şərait yaratdığını vurğulayıb, eyni zamanda Elektron Hökumət Portalı tərəfindən yaradılmış Rəqəmsal İcra Hakimiyyəti platforması barədə vətəndaşlara məlumat verərək, xidmətin əlçatanlıq və üstünlüklərini qeyd edib və https://rih.gov.az/ platformasından istifadə etmələrini tövsiyə edib.
Keçirilən səyyar görüş zamanı bir qrup kənd sakini dinləyən Rayon İcra Hakimiyyətinin başçısı mövcud problemlərin həlli, o cümlədən içməli su təminatının yaxşılaşdırılması, mərkəzi yolun işıqlandırılması, kənddaxili yolların təmir olunması, elektrik dayaqlarının və naqillərin yenilənməsi, kənd qəbiristanlığının və məktəbin ətrafının təmizlənməsi, əkin üçün keyfiyyətli toxum ilə təmin olunması və digər məsələlərlə bağlı aidiyyəti xidmət sahələrinin rəhbərlərinə və məsul şəxslərə yerində müvafiq tapşırıq və tövsiyələrini bildirib.
Keçidlər
