Göygöl Rayon İcra Hakimiyyətinin başçısı Elvin Paşayev rayonun Firuzabad qəsəbəsində növbəti səyyar qəbul keçirib
16 iyun 2023 | 17:45
İcra Hakimiyyətinin başçısı Elvin Paşayev Göygöl rayonu Firuzabad qəsəbəsində növbəti səyyar qəbul keçirib. Qəsəbə tam orta məktəbdə keçirilən səyyar qəbulda Rayon İcra Hakimiyyəti başçısı Aparatının məsul şəxsləri, inzibati ərazi dairəsi üzrə nümayəndə, bələdiyyə və xidmət sahələrinin rəhbərləri iştirak ediblər.
Göygöl Rayon İcra Hakimiyyətinin başçısı Elvin Paşayev keçirilən səyyar qəbulların ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlərin tərkib hissəsi olduğunu qeyd edərək, dövlət və vətəndaş münasibətlərinin yüksələn xətlə inkişaf etdiyini, məhz bu uğurlu siyasətin ölkəmizin bütün istiqamətlər üzrə mühüm nailiyyətlər əldə etməsinə şərait yaratdığını vurğulayıb, eyni zamanda Elektron Hökumət Portalı tərəfindən yaradılmış Rəqəmsal İcra Hakimiyyəti platforması barədə vətəndaşlara məlumat verərək, xidmətin əlçatanlıq və üstünlüklərini qeyd edib və https://rih.gov.az/ platformasından istifadə etmələrini tövsiyə edib.
Səyyar qəbul zamanı bir qrup qəsəbə sakinini dinləyən İcra başçısı mövcud problemlərin həlli, o cümlədən qəsəbədə içməli su təminatının yaxşılaşdırılması, küçə işıqlandırmasında yaranmış qüsurun aradan qaldırılması, suvarma borusunun təmiri, mövcud olan internet sürətinin artırılması və digər məsələlərlə bağlı aidiyyəti xidmət sahələrinin rəhbərlərinə və məsul şəxslərə yerində müvafiq tapşırıq və tövsiyələrini bildirib.
Keçidlər
