Göygöl Rayon İcra Hakimiyyətinin başçısı Elvin Paşayev rayon ağsaqqalları ilə növbəti görüş keçirib
05 sentyabr 2023 | 11:32
Ahıl şəxslərin cəmiyyətə inteqrasiyası məqsədilə müvafiq tədbirlərin görülməsi üçün Göygöl Rayon İcra Hakimiyyətin başçısı Elvin Paşayev rayon ağsaqqalları ilə növbəti dəfə görüşüb, onlarla səmimi söhbət aparıb. Söhbət zamanı rayonda bir il ərzində görülmüş işlər barədə İcra Hakimiyyətin başçısı Elvin Paşayev tərəfindən ətraflı məlumat verilib, mövcud məsələlər, Göygöl rayonunda ahıl şəxslərin ictimai faydalı fəaliyyətə cəlb edilməsi, onların bilik və bacarıqlarından məqsədyönlü istifadə olunması, asudə vaxtlarının səmərəli təşkili ilə bağlı layihələrin həyata keçirilməsi və bu məsələlərin həlli istiqamətində ağsaqqalların təklifləri dinlənilib.
Ağsaqqallar onlara yaradılan bu şəraitə görə öz minnətdarlıqlarını bildirərək, Ulu Öndər Heydər Əliyev tərəfindən zamanında Göygöl rayonunun sosial-iqtisadi inkişafı üçün mühüm tədbirlər görüldüyünü, həmçinin Prezident İlham Əliyevin Göygöl rayonuna xüsusi diqqət ayıraraq, səfərləri çərçivəsində bir çox təhsil, səhiyyə və digər sosial obyektlərin istifadəyə verildiyini, insanların, xüsusilə də yaşlı nəslin istirahət yerinə çevrilmiş geniş, gözoxşayan park və xiyabanların salındığını, Birinci Vitse-prezident Mehriban xanım Əliyevanın qayğıya ehtiyacı olan insanların problemlərinin aradan qaldırılmasında misilsiz xidmətlərinin olduğunu vurğulayıb, rayon əhalisinin sosial rifahının daha yüksəlməsi və rayonun inkişaf etdirilməsi istiqamətində İcra Hakimiyyətinin başçısı Elvin Paşayevə uğurlar diləyib, görüləcək bütün işlərdə onların da töhfəsi olacağını qeyd ediblər.
Keçidlər
