Göygöl Rayon İcra Hakimiyyətinin başçısı Elvin Paşayev Quşçu kənd sakinləri ilə səyyar görüş keçirib
25 oktyabr 2023 | 09:52
Göygöl rayonu Quşçu kənd mədəniyyət evində keçirilən səyyar görüşdə Rayon İcra Hakimiyyəti başçısının müavinləri və Aparatının məsul şəxsləri, inzibati ərazi dairəsi üzrə nümayəndə, bələdiyyə və xidmət sahələrinin rəhbərləri iştirak ediblər.
Rayon İcra Hakimiyyəti başçısı Elvin Paşayev keçirilən səyyar görüşlərin ölkə rəhbərinin tapşırıq və tövsiyələri əsasında respublikamızda aparılan sosial-iqtisadi islahatlar, əhalinin rifah halının yüksəlməsi istiqamətində görülən işlərin tərkib hissəsi olduğunu qeyd edərək, dövlət və vətəndaş münasibətlərinin yüksələn xətlə inkişaf etdiyini, məhz bu uğurlu siyasətin ölkəmizin bütün istiqamətlər üzrə mühüm nailiyyətlər əldə etməsinə şərait yaratdığını vurğulayıb, eyni zamanda Elektron Hökumət Portalı tərəfindən yaradılmış Rəqəmsal İcra Hakimiyyəti platforması barədə vətəndaşlara məlumat verərək, xidmətin əlçatanlıq və üstünlüklərini qeyd edib və https://rih.gov.az/ platformasından istifadə etmələrini tövsiyə edib.
Keçirilən səyyar görüş zamanı bir qrup kənd sakini dinləyən Rayon İcra Hakimiyyətinin başçısı mövcud problemlərin həlli, o cümlədən içməli su xəttinin təmir olunması, Quşçu kənd sakinlərinin fərdi təsərrüfatına ziyan vuran ayılara qarşı qanunamüvafiq tədbirlərin görülməsi, kəndin təbii qazla təchiz edilməsi, elektrik transformatorunun yenilənməsi, tibb məntəqəsinin elektrik enerjisi ilə təmin edilməsi və digər məsələlərlə bağlı aidiyyəti xidmət sahələrinin rəhbərlərinə və məsul şəxslərə yerində müvafiq tapşırıq və tövsiyələrini bildirib.
Keçidlər
