Göygöl Rayon İcra Hakimiyyətinin başçısı Elvin Paşayev Dünya çempionatında yüksək nəticələr əldə etmiş “İrəvan” İdman Klubunun idmançılarını qəbul edib
21 noyabr 2023 | 19:13
1-5 noyabr 2023-cü il tarixdə Yaponiyanın Matsuyama şəhərində keçirilən Ashihara Karate idman növü üzrə Dünya çempionatında Göygöl rayonu “İrəvan” İdman Klubunun idmançıları Musa Musazadə qızıl medalı, Fərman Rəhimov isə bürünc medalı qazanıblar.
Göygöl Rayon İcra Hakimiyyətinin başçısı Elvin Paşayev idmançılar Musa Musazadə, Fərman Rəhimov, “İrəvan” İdman Klubunun rəhbəri Fəxri Cəfərov və Göygöl Ashihara Karate İdman Klubunun rəhbəri Cavid Əsgərovu qəbul edib. Qəbul zamanı İcra Hakimiyyətinin başçısı idmançıları Dünya çempionatında əldə etdikləri yüksək nəticələr münasibəti ilə təbrik edib, ölkəmizdə idmana olan dövlət qayğısından, bu sahədə həyata keçirilən tədbirlərdən, idman və bədən tərbiyəsinin inkişafı, kütləviliyin təmin edilməsi məqsədilə görülən işlərdən danışaraq, bu sahədə uğurlu nəticələrin əldə olunmasında idmançıların fiziki sağlam, psixoloji dayanıqlı olmalarının əhəmiyyətini, idmançının yarış mühitində formalaşdığını qeyd edib və Göygöl rayonda idman mühitinin qorunub saxlanıldığını xüsusi vurğulayıb.
İdmançılar onlara göstərilən diqqət və qayğıya görə minnətdarlıqlarını bildiriblər. Sonda xatirə fotosu çəkdirilib.
Keçidlər
