Göygöl Rayon İcra Hakimiyyətinin başçısı Elvin Paşayev Avropa üçüncüsünü qəbul edib
13 sentyabr 2023 | 15:42
Rayon İcra Hakimiyyətinin başçısı Elvin Paşayev 06-09 iyul 2023-cü il tarixlərində Macarıstanın Kaposvar şəhərində sərbəst güləşi üzrə yeniyetmələr (U-15) arasında keçirilən Avropa çempionatında 3-cü yerə layiq görülmüş Göygöl rayon idmançısı Həsənov Həsən Elvir oğlunu qəbul edib. Qəbul zamanı İcra Hakimiyyətinin başçısı idmançı Həsən Həsənovu sərbəst güləş üzrə yeniyetmələr arasında keçirilən Avropa çempionatında 3-cü yerə layiq görülməsi münasibəti ilə təbrik edib, respublika və beynəlxalq yarışlarda yeni-yeni nailiyyətlər qazanaraq Azərbaycanın himninin sədaları altında dövlət bayrağımızı yüksəklərə qaldırmağı arzulayıb. Sonra idmançıya hədiyyə təqdim olunub və xatirə fotosu çəkdirilib.
Xatırladaq ki, Avropa birinciliyində bürünc medalına layiq görülmüş Həsənov Həsən Elvir oğlu Göygöl rayonu Üçtəpə kənd tam orta məktəbin 8-ci sinif şagirdidir. Onu şəxsi məşqçisi əməkdar məşqçi Rauf Xəlilovdur.
Keçidlər
