Göygöl Rayon İcra Hakimiyyətinin Başçısı Elvin Paşayev ağsaqqallarla görüş keçirib
10 avqust 2022 | 20:43
Göygöl Rayon İcra Hakimiyyətin başçısı Elvin Paşayev İcra hakimiyyətinin inzibati binasında rayon ağsaqqalları ilə görüşüb, onlarla səmimi söhbət aparıb. Söhbət zamanı rayonda olan mövcud məsələlər və problemlər geniş müzakirə edilib və bu məsələlərin həlli istiqamətində ağsaqqalların təklifləri dinlənilib.
Ağsaqqallar onlara yaradılan bu şəraitə görə öz minnətdarlıqlarını bildirərək, əhalinin sosial rifahının daha yüksəlməsi və rayonun inkişaf etdirilməsi istiqamətində Rayon İcra Hakimiyyətinin başçısı Elvin Paşayevə uğurlar diləyib, görüləcək bütün işlərdə onların da töhfəsi olacağını qeyd ediblər.
Görüş zamanı, rayon ağsaqqalları çıxış edərək, Ulu Öndər Heydər Əliyev tərəfindən zamanında Göygöl rayonunun sosial-iqtisadi inkişafı üçün mühüm tədbirlər görüldüyünü, həmçinin Prezident İlham Əliyevin Göygöl rayonuna xüsusi diqqət ayıraraq, səfərləri çərçivəsində bir çox təhsil, səhiyyə və digər sosial obyektlərin istifadəyə verildiyini, insanların, xüsusilə də yaşlı nəslin istirahət yerinə çevrilmiş geniş, gözoxşayan park və xiyabanların salındığını, Birinci Vitse Prezident Mehriban xanım Əliyevanın qayğıya ehtiyacı olan insanların problemlərinin aradan qaldırılmasında misilsiz xidmətlərinin olduğunu bildirmişlər. Bütün çıxış və nitqlərdə ölkə rəhbərinin həyata keçirdiyi kadr islahatlarının yüksək səmərə verdiyi aktuallığı ilə səsləndirilmişdir.
Keçidlər
