Göygöl Rayon İcra Hakimiyyətinin başçısı Elvin Paşayev 2023-2024-cü tədris ilində 9-cü siniflər üçün keçirilən buraxılış imtahanlarında yüksək nəticə göstərən şagirdlərlə görüşüb
06 sentyabr 2024 | 10:41
Görüşdə həmçinin İcra Hakimiyyəti başçısının müavini, İctimai-siyasi və humanitar məsələlər şöbəsinin müdiri Kəmalə İbrahimova və Göygöl rayonu üzrə Təhsil sektorunun müdiri Elnur Qasımov da iştirak ediblər.
Rayon İcra hakimiyyətinin başçısı çıxışında 9-cü siniflər üçün keçirilən buraxılış imtahanlarında yüksək nəticə göstərən şagirdləri əldə etdikləri nailiyyətlərlə bağlı təbrik edərək, gələcək təhsillərində onlara uğurlar arzulayıb. Həmçinin şəxsi maraq və dəyərlərə uyğun ixtisas seçimi, tibb sahəsində baş verən innovasiyalar, incəsənət sahəsində kreativ düşüncənin önəmi, kənd təsərrüfatında həyata keçirilən islahatlar barədə ətraflı məlumat verilib, sonra şagirdlərin gələcək ixtisas seçimləri ilə bağlı fikirləri dinlənilib, onlara tövsiyə və məsləhətlər bildirilib. Sonda şagirdlərə Təşəkkürnamə təqdim olunub və xatirə fotosu çəkdirilib.
Keçidlər
