Göygöl rayon Aşıq Şəmşir adına Uşaq Musiqi məktəbi 1954-cü ildən fəaliyyət göstərir.
23 yanvar 2023 | 09:38
Məktəbdə 8 ixtisas üzrə 392 şagird musiqi təhsili alır. Məktəbin şagirdləri respublika səviyyəli müsabiqələrdə iştirak edərək dəfələrlə I, II və III yerlərin qalibləri olmuşlar. Musiqi məktəbinin kamança ixtisası üzrə şagirdi Sənəm Allahverdiyeva Qazaxıstanın Astana şəhərində keçirilən beynəlxalq müsabiqədə I yeri tutaraq laureat adını qazanmışdır. Məktəbin xor kollektivi “Şuşa–2022” musiqi festivalında I yerin, respublika səviyyəli müsabiqədə isə III yerin qalibləri olmuşlar. Məktəbin saz ixtisası üzrə şagirdləri Gəncə şəhərində keçirilən Aşıq Şəmşir adına müsabiqənin və Gədəbəy rayonunda keçirilən Aşıq Ələsgərin yubileyinə həsr olunmuş müsabiqənin qalibləri olmuşlar.
Musiqi məktəbinin müəllim və şagird kollektivi mütəmadi olaraq rayon tədbirlərində rəngarəng musiqi nömrələri ilə çıxış edirlər. Hazırda məktəbin şagirdləri respublika səviyyəli müsabiqələrə hazırlaşırlar.
Onlara daima uğurlar arzu edirik!
Keçidlər
