Anım Günü ilə bağlı Göygöl rayonunda ağacəkmə aksiyası keçirilib
28 sentyabr 2022 | 12:50
27 sentyabr 2022-ci il tarixdə Göygöl Rayon İcra Hakimiyyətinin təşkilatçılığı ilə Vətən müharibəsində qəhrəmancasına döyüşərək Azərbaycan Bayrağını işğaldan azad edilən torpaqlarımızda dalğalandıran, ölkəmizin ərazi bütövlüyünün bərpa edilməsi yolunda canlarını fəda edən Şəhidlərimizin əziz xatirəsinə ehtiram əlaməti olaraq Göygöl şəhər Şəhidlər xiyabanın ərazisində ağacəkmə aksiyası keçirilib.
Keçirilmiş ağacəkmə aksiyasında Göygöl Rayon İcra Hakimiyyətinin başçısı Elvin Paşayev, Milli Məclisin Deputatı Elşad Mirbəşiroğlu, Yeni Azərbaycan Partiyası Göygöl rayon təşkilatının sədri Vüqar İsayev, İcra Hakimiyyəti başçısı Aparatının əməkdaşları, rayonun hüquq-mühafizə orqanlarının və digər rəhbər şəxsləri iştirak ediblər. Ağacəkmə aksiyasında 140 ədəd Eldar şamı və Sərv ağacı əkilib.
Keçidlər
