Göygöl rayonunda 2 Fevral Gənclər günü qeyd olundu
Göygöl rayon Gənclər Mərkəzində 2 Fevral Gənclər günü münasibəti ilə tədbir keçirildi. Tədbirdə Rayon İcra hakimiyyəti başçısı Aparatının nümayəndələri, rayonun idarə, müəssisə və təşkilatlarında çalışan gənclər, gənc idmançılar, rayonun fəal gəncləri və kütləvi informasiya vasitələrinin nümayəndələri iştirak etdilər. Tədbirdə çıxış edən natiqlər qeyd etdilər ki, Əsası Ümummilli liderimiz Heydər Əliyev tərəfindən qoyulmuş dövlət gənclər siyasəti gəncliyin sevimlisi Prezidentimiz cənab İlham Əliyevin rəhbərliyi ilə uğurla davam etdirilir. Bu siyasət bir neçə istiqamətdə: gənclərin dövlət qulluğuna irəli çəkilməsi, əlverişli təhsil mühitinin yaradılması və tələbə təqaüdlərinin mütəmadi olaraq artırılması, gənclərin mənzil-məişət problemlərinin həllinə yönələn ipoteka kreditlərinin verilməsi, idmanın inkişafına və idmançılara göstərilən dövlət qayğısı formalarında özünü qabarıq şəkildə büruzə verir. Məhz bunun nəticəsidir ki, Prezidentimiz İlham Əliyev bütün Azərbaycan gəncliyi tərəfindən sevilir və dəstəklənir. Tədbirin sonunda rayonun ictimai-siyasi həyatında fəallıq göstərən gənclərə və idman nailiyyətləri əldə etmiş idmançılara Fəxri Fərman və hədiyyələr təqdim olundu. Tədbir Rayon Mədəniyyət mərkəzinin təşkil etdiyi konsert proqramı ilə başa çatdı.
