Göygöl rayonunda II Vətən müharibəsi iştirakçısına vəzifə verildi
.jpg)
Göygöl Mənzil Kommunal Təsərüfatı İstehsalat Birliyində baş mühəndis vəzifəsinə yeni kadr təyinatı olub. II Vətən müharibəsi iştirakçısı Mehdiyev Vüsal Mühiddin oğlu Göygöl MKTİB-də baş mühəndis vəzifəsinə təyin olunub.
Mehdiyev Vüsal Mühiddin oğlu 14.06.1994-cü ildə Göygöl şəhərində anadan olub, ali təhsillidir. 2001-ci ildə Göygöl şəhər 3 saylı tam orta məktəbin 1-ci sinfinə daxil olub, 2012-ci ildə həmin məktəbin 11-ci sinfini bitirib. 2012-ci ildə Azərbaycan Texnologiya Universitetinin Qida məhsullarının texnologiyası fakültəsinə daxil olub, 2016-cı ildə Dizayn ixtisası alaraq həmin universiteti bitirib. 2016-cı il iyul ayından 2017-ci il iyul ayına kimi “N” saylı hərbi hissədə həqiqi hərbi xidmət keçmişdir. II Vətən müharibəsi başlayan zaman könüllü olaraq 27 sentyabr 2020-ci il tarixdən 10 noyabr 2020-ci il tarixədək “N” saylı hərbi hissədə Cəbrayıl, Qubadlı və Füzuli istiqamətlərində gedən döyüşlərdə iştirak etmişdir. Subaydır.
