Göygöl rayonunda 1941-1945-ci illər Böyük Vətən Müharibəsində Qələbənin 69-cü il dönümü qeyd edildi

Göygöl rayonunda  9 may 2014-cü il tarixdə  1941-1945-ci illər Böyük Vətən Müharibəsində Qələbənin  69-cu il dönümü münasibəti ilə “1941-1945 – Xatirə kompleksi”nin   qarşısında geniş tədbir keçirildi. Tədbirdə Rayon İcra Hakimiyyəti başçısının Aparatı, müharibə iştirakçıları, rayonun hüquq-mühafizə orqanlarının, idarə, müəssisə və təşkilatların rəhbərləri, İcra Hakimiyyəti Başçısının           inzibati ərazi dairələri üzrə nümayəndələri, bələdiyyələr,  ağsaqqallar,      ictimaiyyət və kütləvi informasiya vasitələrinin nümayəndələri iştirak edirdilər.
Tədbirdə çıxış edən  Göygöl Rayon İcra Hakimiyyətinin başçısı cənab Arif Seyidov veteranları  təbrik edərək,   Böyük Vətən Müharibəsində qələbənin heç də asanlıqla əldə edilmədiyini, bu müharibədə Azərbaycandan 600 mindən çox şəxs iştirak etdiyini qeyd etdi. Qələbənin əldə olunmasında Azərbaycan neftinin  həlledici rolu olduğunu, həmin dövrlərdə SSRİ-də istehsal olunan neftin 71,4%-nin Azərbaycanın payına düşdüyünu diqqətə çatdırdı. Eyni zamanda cənab Başçı qeyd etdi ki,  İkinci Dünya müharibəsində Azərbaycan xalqının xidmətlərinin qiymətləndirilməsində Ümummilli liderimiz Heydər Əliyevin əməyi böyük olmuşdur. Bu diqqət və qayğı bu gün Möhtərəm Prezidentimiz cənab İlham Əliyev tərəfindən davam etdirilir.
Möhtərəm Prezidentimiz  cənab İlham Əliyevin Sərəncamı ilə müharibə iştirakçılarına, onların ailələrinə, qələbədə əməyi olan şəxslərə birdəfəlik maddi yardım göstərilməsi onlara dövlət qayğısının bariz nümunəsidir.
Tədbirdə çıxış edən digər şəxslər də BVM-si veteranlarını təbrik edərək, onlara xoş arzularını çatdırdılar.
Tədbir Göygöl rayon Mədəniyyət mərkəzinin təşkil etdiyi bayram konserti ilə sona çatdı.