Göygöl rayon sakinləri cənab Prezident İlham Əliyevə çoxsaylı minnətdarlıq məktubları göndərmişlər.

Əziz Prezidentimiz.
Dünyada koronovirus pandemiyasının hökm sürdüyü çətin bir zamanda Siz ölkəmizi bu bəlanın təsirlərindən uğurla qoruyursunuz. Sizin uğurlu siyasətiniz nəticəsində epidemiyanın ölkəmizə təsiri minimuma endirilib.
Cənab Prezident, qəbul etdiyiniz hər bir humanist qərarda xalqımızı düşünürsünüz, daim xalqımızın yanında olmusunuz və həyata keçirdiyiniz siyasətdə, verdiyiniz qərarlarda bu hər zaman özünü doğruldur. İnanırıq ki, bu çətin günlərimiz geridə qalacaq. Sizə məsuliyyətli və şərəfli işlərinizdə yeni uğurlar arzu edirəm. Azərbaycan xalqı Sizinlə güclüdür. Biz Sizə güvənirik və Sizin yanınızdayıq, cənab Prezident.
Hörmətlə,
Qasımova Nuranə Etibar qızı
Azərbaycan Respublikası, Göygöl rayonu.

Hörmətli cənab Prezident.
Son zamanlar bütün dünyanı zəbt etmiş koronavirus pandemiyası dövlətimizi də qayğılandırdı. Lakin Sizin qətiyyətiniz ölkəmizi böyük ziyanlardan qorudu.
Vətəndaşların sağlamlığı Sizin üçün hər şeydən önəmlidir. Sizin televiziya kanallarında izlədiyimiz çıxışlarınız, açılışlarında şəxsən iştirak etdiyiniz səhiyyə ocaqları bunun bariz nümunələridir.
Cənab Prezident, məlum vəziyyətlə əlaqədar verilən bütün qərarlarınızı dəstəkləyirik. Çünki bu, birbaşa bizim sağlamlığımızın qorunması üçün atılmış addımlardır. “Evdə qal” aksiyasında iştirak edən yaşlı və aztəminatlı təbəqənin nümayəndələri heç nədən korluq çəkmədi. Bu cür qayğı və diqqətə görə Sizə təşəkkür edirik.
Cənab Prezident, Göygöl rayonunun ahıl insanları və ağsaqqalları hər zaman Sizin daxili və xarici siyasətinizi dəstəkləyirlər.
Hörmətlə,
Quliyeva Dünya
Verdiyeva Almaz
Şərifova Sədaqət
Cəfərova Mirux
Məmmədova Zərəngiz.
Azərbaycan Respublikası, Göygöl rayonu.

Hörmətli cənab Prezident.
Sizin millətimiz və xalqımız üçün səylə çalışmağınız bizi fərəhləndirir. Ölkə vətəndaşlarının sağlamlığını düşünərək, böyük dövlət xadimi kimi koronavirusla mübarizə sahəsində atdığınız addımları, gördüyünüz tədbirləri gördükcə Sizə olan rəğbətimiz və sevgimiz daha da artır. Çox şükürlər olsun ki, Sizin kimi Prezidentimiz var. Biz Sizinlə fəxr edir, qürur duyuruq. Tanrı bütün işlərinizdə köməyiniz olsun.
Hörmətlə,
Həsənov İlkin Qiyas oğlu.
Azərbaycan Respublikası, Göygöl rayonu, Hacməlik qəsəbəsi.

Hörmətli cənab Prezident.
Dünyanın başı üzərini alan qara bulud – koronavirus pandemiyası Azərbaycana da təsirini göstərib. Belə bir zamanda Sizin ölkə əhalisinin sağlamlığının keşiyində durmağınız, bunu özünüz üçün ən ümdə vəzifə hesab etməyiniz vətəndaşlara böyük ümid və inam verir. Sizin təşəbbüsünüzlə ölkəmizdə COVID-19-a qarşı görülən bütün tədbirlər xalqın sağlamlığını, ölkəmizin təhlükəsizliyini təmin etmək məqsədi daşıyır.
Cənab Prezidentimiz, inanırıq ki, tezliklə Azərbaycan bu bəladan qurtulacaq, Sizin rəhbərliyinizlə islahatlar davam etdiriləcək, ölkəmizin inkişafı yeni müstəviyə çıxacaqdır. Biz gənclər Sizin yürütdüyünüz siyasəti hər zaman dəstəkləyir, gələcək işlərinizdə Sizə uğurlar arzulayırıq.
Hörmətlə,
Sadıqov Əkbər Abbasəli oğlu
Qarayeva Mətanət Ələsgər qızı.
Azərbaycan Respublikası, Göygöl rayonu, Üçtəpə kəndi.